Oddur Ástráðsson er héraðsdómslögmaður með framhaldsmenntun á sviði alþjóðlegs skattaréttar. Hann hefur sinnt fjölbreyttri lögfræðiþjónustu við atvinnulífið um árabil.
Á námsárunum í lögfræði fór Oddur fljótt að vinna með náminu í Háskóla Íslands, bæði hjá Logos lögmannsþjónustu og umboðsmanni Alþingis. Þar hlaut hann haldbæra reynslu af lögfræðistörfum sem hefur nýst honum æ síðan.
Í starfi sínu hjá Logos voru það einkum mál tengd skattarétti sem vöktu áhuga Odds. Hann hélt því til framhaldsnáms í alþjóðlegum og evrópskum skattarétti í Uppsala University og útskrifaðist þaðan með hæstu einkunn vorið 2017.
Oddur hefur verið meðeigandi frá árinu 2018. Hann er fljótur að greina kjarnann frá hisminu og á gott með að vinna undir álagi, enda með bakgrunn úr fjölmiðlaheiminum sem fréttamaður og framleiðandi. Í vinnunni kann hann best við sig í dómssal þegar allt er undir.